احمد آباد: احمد آباد کے نریندر مودی اسٹیڈیم میں آج بھارت اور پاکستان کے درمیان زبردست میچ ہوگا۔ متعدد میڈیا رپورٹس میں کہا گیا ہے کہ میچ کا آغاز ایک میوزیکل پروگرام سے ہوگا جس میں بالی ووڈ کے ستارے شامل ہوں گے۔
آئی سی سی ورلڈ کپ 2023 کے آغاز پر کوئی تقریب نہ ہونے کی وجہ سے آج بالی ووڈ گلوکاروں کی جانب سے ایک کنسرٹ منعقد کر کے اس کی تلافی کی جارہی ہے۔
ہندوستان اور پاکستان کا کوئی بھی کھیل ہمیشہ تمام شعبوں کے میگا اسٹارز کو اسٹیڈیم کی طرف راغب کرتا ہے۔ اس طرح اس شاندار میچ کے لئے، بالی ووڈ اسٹارز جیسے رنویر سنگھ، جو ٹورنامنٹ کے آفیشل گانے میں شامل ہیں، پر فارم کریں گے۔ ان کے ساتھ اداکارہ تمنا بھاٹیہ اور گلوکار اریجیت سنگھ کے بھی نریندر مودی اسٹیڈیم میں آنے کا امکان ہے۔
گجرات کرکٹ ایسوسی ایشن (جی سی اے) کے سیکریٹری انیل پٹیل نے تصدیق کی ہے کہ پاکستانی میڈیا آخر کار ورلڈ کپ میں ہندوستان بمقابلہ پاکستان میچ کے لیے دستیاب ہوگا کیونکہ وہ اپنی ٹیم کے پہلے دو میچوں اور پورے ٹورنامنٹ کے پہلے 11 میچوں کی کوریج نہیں کر پائے تھے۔
