ممبئی: وزیر اعظم نریندر مودی نے ہفتے کے روز تصدیق کی کہ ہندوستان 2036 کے سمر اولمپکس کی میزبانی کے لیے بولی جمع کرائے گا۔
وہ یہاں جیو ورلڈ سینٹر میں بین الاقوامی اولمپک کمیٹی کے 141ویں اجلاس کا افتتاح کرتے ہوئے بول رہے تھے۔
بھارت اولمپکس کی میزبانی کے لیے بے چین ہے۔ 2036 کے اولمپکس کے انعقاد کے لیے تیاریوں میں کوئی کمی نہیں ہوگی۔ وزیر اعظم نے کہا کہ یہ 140 کروڑ ہندوستانیوں کا خواب ہے۔
مودی نے کہا کہ ہندوستان 2029 کے یوتھ اولمپکس کی میزبانی کا بھی بے صبری سے انتظار کر رہا ہے۔
آئی او سی کی ایگزیکٹو کونسل نے 2028 کے اولمپکس میں کرکٹ کو شامل کرنے کی سفارش کی ہے۔ انہوں نے کہا کہ ہمیں یقین ہے کہ ہم اس حوالے سے مثبت خبریں سنیں گے۔
ترکی، انڈونیشیا، میکسیکو اور پولینڈ نے بھی 2036 کے اولمپکس کے لیے بولی جمع کرائی ہے۔
