بنگلورو۔2/اکتوبر۔ ہندوستان کے سوشلسٹ یونیٹی سنٹرآف انڈیا (کمیونسٹ) نے میسورو بینک کے چوراہے پر اتر پردیش میں ہاتراس ریپ کیس میں دلت بچی کے ساتھ عصمت دری اور قتل کے واقعے کے خلاف مظاہرہ کرتے ہوئے انصاف کا مطالبہ کیا۔ایس یو سی آئی (سی) کے صدر جی کے ہنومیش نے کہا کہ عصمت دری کا ایک معاملہ ٹھنڈا نہیں ہوتا، دوسرا سامنے آتا ہے۔ پولیس نے جس طرح سے متاثرہ کے جسم کو زبردستی جلایا تھا اس سے بہت سارے سوالات اٹھتے ہیں۔ ایس یو سی آئی (سی) ڈسٹرکٹ کمیٹی ممبر ایس کے شوبھا نے الزام لگایا کہ اتر پردیش میں انصاف کے لئے آواز اٹھانے والوں کو جیل بھیجا جاتا ہے۔ متاثرہ شخص کو انصاف ملنے کے لئے سب کو متحد ہونا پڑے گا۔ایس یو سی آئی (سی) ڈسٹرکٹ کمیٹی کے سکریٹری این این. شری رام نے یوگی آدتیہ ناتھ کے چار سالہ حکمرانی کو انکاؤنٹر راج کی مترادف کہا۔ انہوں نے الزام لگایا کہ انناو ریپ کیس میں بھی اترپردیش حکومت نے ایم ایل اے کو بچانے کے لئے ہر ممکن کوشش کی۔ ہاتراس کیس میں بھی متاثرہ کے اہل خانہ نے چھ ماہ قبل پولیس سے تحفظ طلب کیا تھا۔ متاثرہ شخص کی موت کے بعد بھی پولیس کا غیر انسانی چہرہ سامنے آگیا۔ لواحقین کو لاش دیکھنے کی اجازت نہیں ملی اور راتوں رات لاش کی آخری رسومات ادا کردی گئیں۔
اترپردیش کے ہاتراس میں دلت بچی کے ساتھ عصمت دری اور قتل کے خلاف احتجاج
By y admin



