کوچ: پولیس نے کیرالہ کے لولو مال میں برقعہ پہن کر خواتین کے واش روم میں داخل ہونے اور فون پر ویڈیو ریکارڈ کرنے کے الزام میں ایک 23 سالہ مرد آئی ٹی پروفیشنل کو گرفتار کیا ہے۔ اس نے اپنا فون ایک ڈبے میں ڈالا، اس میں سوراخ کر کے دروازے سے چپکا دیا۔
پولیس کے مطابق، اس نے اپنے فون کو گتے کے ایک چھوٹے سے ڈبے میں رکھ کر اس میں سوراخ کر دیا اور اسے واش روم کے دروازے پر چپکا دیا۔ پولیس نے بتایا کہ کیمرہ لگانے کے بعد وہ شخص باہر آیا اور واش روم کے مرکزی دروازے کے سامنے کھڑا ہو گیا۔
اس کے مشکوک رویے کو دیکھتے ہوئے، مال کے سیکورٹی اہلکاروں نے پولیس کو اطلاع دی جو موقع پر پہنچی اور ملزم کا برقعہ اور موبائل فون قبضے میں لے لیا۔
اس کے خلاف آئی پی سی کی دفعہ 354(C) اور 419 اور انفارمیشن ٹیکنالوجی ایکٹ کی دفعہ 66 E کے تحت مقدمہ درج کر لیا گیا ہے۔
