بیدر۔23/اپریل۔عام انتخابات کے مبصر دیپانکر مہاپاترا نے کہا کہ اگر سیاسی جماعتوں کے امیدواروں اور ایجنٹوں کی طرف سے الیکشن سے متعلق کوئی شکایت ہے تو انہیں عام انتخابات کے مبصرین، اخراجات کے مبصرین اور پولیس انسپکٹرز کے نوٹس میں لایا جائے۔وہ منگل کو ڈپٹی کمشنر دفتر کے اجلاس ہال میں 07-بیدر لوک سبھا عام انتخابی حلقہ میں مختلف سیاسی جماعتوں کے امیدواروں اور ایجنٹوں کے لئے طلب کردہ میٹنگ کی صدارت کر رہے تھے۔بیدر لوک سبھا عام انتخابات کے لیے امیدواروں کی حتمی فہرست پہلے ہی جاری کر دی گئی ہے۔انہوں نے کہا کہ مختلف سیاسی جماعتوں کے امیدوار انتخابی ضابطہ اخلاق کی خلاف ورزی نہ ہونے کو یقینی بنائیں اور 25 اور 30اپریل اور 4 مئی کو اپنی پارٹی کے اخراجات کی معلومات الیکشن ایکسپینڈیچر آبزرور کو دیں۔بیدر لوک سبھا عام انتخابات کے لیے ضروری تیاریاں کر لی گئی ہیں۔کل 1,528 پولنگ اسٹیشنز میں سے 328.Critical نازک پولنگ اسٹیشن ہیں جہاں کسی بھی ناخوشگوار واقعے سے بچنے کے لیے احتیاطی تدابیر اختیار کی جارہی ہیں۔انہوں نے کہا کہ سیاسی جماعتوں کے جلسے، تقاریب اور جلوسوں کے انعقاد میں الیکشن کمیشن کے قوانین پر عمل کیا جائے۔85 سال سے زیادہ عمر کے افراد اور خصوصی ضروریات والے افراد کو گھر بیٹھے ووٹ ڈالنے کی اجازت دی گئی ہے۔ایمرجنسی سروس اور الیکشن ڈیوٹی پر موجود افسران اور عملے کے لیے ووٹ ڈالنے کا خصوصی انتظام کیا گیا ہے اور یہ الیکشن کمیشن کا مقصد ہے کہ کوئی بھی ووٹ ڈالنے سے محروم نہ رہے۔انہوں نے کہا کہ سبھی کو اس بات کو یقینی بنانا چاہئے کہ بیدر لوک سبھا حلقہ میں انتخابات سے متعلق تمام عمل پرامن اور منظم طریقے سے انجام پائے۔اس میٹنگ میں انتخابی اخراجات کے مبصر ایس۔ ایشور،جے ایس راجپوت، پولیس مبصر،ڈسٹرکٹ الیکشن آفیسر گویندریڈی،ضلع پولیس سپرنٹنڈنٹ چن بسونا ایس ییل، الیکشن تحصیلدار اناراؤ پاٹل،ڈی ایس پی شیوانا گوڑا پاٹل،مہیش گوراناکر، ریپبلک پارٹی آف انڈیا (اے) کے امیدوار۔غیر جماعتی امیدوار دلیپ کداواڈا،،رام ولاس رامولوجی نوندرا، روف عبدالغنی اور دیگر موجود تھے۔