بیدر۔29/اکتوبر۔(محمد امین نواز)۔کلبرگی محکمہ تعلیم ریاست میں پرائمری، سیکنڈری اور ہائی اسکولوں کے لیے قابل اساتذہ تلاش کرنے سے قاصر ہے۔ مخلوعہ جائیدادوں کے مقابلے امیدواروں کی کم تعداد کامن انٹرینس ٹیسٹ (سی ای ٹی) کو پاس کرنے کے قابل ہے۔ قابل اساتذہ کی تقرری کے لیے حکومت نے سال میں دو بار CET کرانے کا فیصلہ کیا ہے۔کلبرگی میں ایک سرکاری ہائی اسکول اور پری یونیورسٹی کالج کا دورہ کرنے کے بعد وزیر پرائمری اور سیکنڈری ایجوکیشن بی. سی ناگیش نے کہا کہ تقررات کے نوٹیفکیشن میں جتنے کوالیفائیڈ اساتذہ کو بلایا گیا تھا وہ دستیاب نہیں ہیں۔ پچھلی بار ضرورت زیادہ تھی، صرف 3000 امیدوار پاس ہوئے تھے۔ اس بات کو ذہن میں رکھتے ہوئے کہ کم تعداد میں امیدوار سی ای ٹی پاس کر رہے ہیں، امتحان دو بار منعقد کرنے کا فیصلہ کیا گیا ہے۔ 5000 اساتذہ کو تقررات کے لیے عمل شروع ہونے جا رہا ہے۔انہوں نے اس الزام کو مسترد کردیا کہ کلیان کرناٹک کے اساتذہ کو علاقے سے باہر کے اسکولوں میں منتقل کیا جارہا ہے۔ گزشتہ تین ماہ میں اس علاقے سے کسی استاد کا تبادلہ نہیں ہوا۔وزیر نے یہ بھی کہا کہ پہلی سے پنجم تک کلاسز دوبارہ کھولنے پر بچوں اور والدین کا ردعمل اچھا تھا اور امید ہے کہ طلباء کی حاضری میں بتدریج اضافہ ہوگا۔