بیدر۔11/ستمبر۔(محمد یوسف رحیم بیدری)۔ جماعت اسلامی ہند کرناٹک دراصل ریاست بھر میں دس روزہ مہم بعنوان ”حضرت محمد ﷺ۔ پیکر ِ اخلاق“ 13/ستمبر تا 22ستمبر 2024؁ء منارہی ہے۔ جناب محمد معظم امیرمقامی جماعت اسلامی ہند بیدر کے مطابق 15/ستمبر مطابق 11/ربیع الاول، بروز اتوار، 11/بجے دن، تا ظہر، جامع مسجد بیدرمیں علمائے کرام، آئمہ کرام اور زعمائے دین وملت کا خصوصی اجتماع رکھاگیاہے۔ جس کو مولانا محمد مونس کرمانی، صدر مجلس العلماء ہند بیدریونٹ اور مولانا سید امین الحسینی ندوی گلبرگہ شریف خطاب کریں گے۔ رقعہ جات کی تقسیم عمل میں آرہی ہے۔